Tila nagkabuhul-buhol na ang pahayag ng mga pulis at militar kaugnay ng reyd at pag-aresto ng tinaguriang "Morong 43." Ang pinakahuling namuhol ang dila: Police Superintendent Allan Nubleza.
Sa “Martsa ng Maralita” noong Marso 26, ipinakita ng mga maralitang lungsod at iba pang grupo ang kanilang disgusto sa umano’y siyam-na-taong “kalbaryo” sa ilalim ng pamunuan ni Pangulong Arroyo. Ipinaliwanag ni Renato Reyes Jr., convenor ng Kontra Daya, ang posibleng senaryong failure of elections at no proclamation. Hinikayat niya ang mga mamamayan na maging […]
Muling sumugod ang mga maralitang lungsod para igiit ang pagwawakas sa rehimeng Arroyo at pigilan ang mga pagmamaniobra ng rehimen para manatili sa poder.
Tinatayang 10,000 kababaihan, sa pangunguna ng grupong Gabriela, ang nagmartsa sa patungong Mendiola noong Marso 8, sentenaryo ng Pandaigdigang Araw ng Kababaihan. Nangako silang lalabanan ang pakana diumano ni Pangulong Arroyo na manatili sa poder lampas sa Mayo, at singilin ang pangulo sa umano’y mga krimen nito sa kababaihan at sa mga mamamayan.
Protesta ng kababaihan sa kanilang araw, Marso 8. Sa kabila ng nakapapasong init ng araw, nagmartsa mahigit 5,000 kababaihan para muling ipakita ang pagkamuhi nila kay Pang. Arroyo at panawagang wakasan na ang paghahari niya sa bansa.
Matapos ang ilang buwang pagpapabaya, nilusob ng mga migrante ang Overseas Workers Welfare Administration para kunin ang dapat lamang na para sa kanila. Heto ang mga babaing tumindig laban sa ahensiyang wala umanong walang silbi sa mga OFW.
Pagkilos ng mga maralitang tagalungsod at militanteng grupo sa pangunguna ng Bagong Alyansang Makabayan-National Capitol Region at Kalipunan ng Damayang Mahihirap (Kadamay) para gunitain ang unang pag-aalsa sa EDSA noong Pebrero 22-25, 1986. Mensahe ng protesta na matapos mapatalsik ang diktadurang Marcos, nabigo ang sumunod na mga administrasyon na tupdin ang mga pangako ng EDSA: ang panawagan para sa makataong sahod at trabaho, abot-kamay na mga serbisyong panlipunan at paggalang sa karapatan ng mga mamamayan.
Panayam kay Obet de Castro hinggil sa partisipasyon ng progresibong kilusan sa pag-aalsa sa EDSA noong Pebrero 1986 na nagpabagsak sa diktador na si Ferdinand Marcos. Lider-kabataan noon si de Castro, at isa sa mga aktibong lumahok sa mga pagkilos laban sa diktadura nang maganap ang pag-aalsa, hindi lamang sa EDSA, kundi sa buong bansa.
Ikinuwento ni Renato Reyes Jr., pangkalahatang kalihim ng Bagong Alyansang Makabayan (Bayan) sa mga tagasuporta ng Morong 43 sa labas ng Court of Appeals noong Pebrero 12 ang naganap na pagdinig ng korte sa writ of habeas corpus hearing noong araw na iyon.
