Masuwerte ako na marami akong naging progresibong mga guro, bilang estudyante sa isang state university. Marami sa kanila ay nagtuturo ng sosyolohiya, pantikan, at pagpapaunlad ng pamayanan (oo, may ganun sa amin!) Yung isa, sa sobrang pagka-‘kaliwete’ ay pinagtulungan ng mga maka-administrasyon sa kanyang departamento at pilit na tinatanggal mula sa pagtuturo.
Tila lahat ng taong kakilala ko ay nagdidiwang noong huling linggo ng Hunyo. Kahit ang Kaliwa, ipinagdiriwang ang napipinto noon na pagkawala ng presidential immunity ni Gloria Arroyo, at ang sana’y napapalapit na oras ng pagtutuos. Noong Hulyo 29, sa katunayan, may street party dapat ang Bagong Alyansang Makabayan sa Welcome Rotonda…nang biglang bumuhos ang ulan. Kanselado ang event.
