Imposibleng kumbinsihin ang matagal ng nagsara ng kanyang isipan. Huwag daw batikusin si Noynoy dahil kakaupo niya lang sa pwesto. Ngayong matatapos na ang isang-daang araw, ang sinasabi naman ay hindi daw sapat ang panahon na ito.
Mainit-init pa sa alaala ng marami ang umaatikabong Walkout nang biglang lumabas sa Inquirer ang isang artikulo ng di-umano nagtapos sa UP Diliman at nagtatrabaho bilang empleyado ng Armed Forces of the Philippines. Nagbabala ang awtor sa "infiltration" ng New People’s Army sa mga pamantasan, at inilista ang mga walang-tunay-na-pangalan na mga ehemplo ng mga kinabukasang sinira ng "NPA campus recruiters." Sa huli, iprinoklama niya na "patay" na ang batayan ng rebolusyon ng NPA at pawang bandido nalamang ito na nangingikil sa mga mayayaman.
Kamakailan lamang, nagbigay ng presentasyon si Kabataan Rep. Mong Palatino sa Kongreso hinggil sa kung bakit hindi dapat bawasan ang badyet ng SUCs (State Universities and Colleges). Dumagundong ang palakpakan mula sa lahat ng mga nasa nasabing hearing, mga mambabatas, representante ng school administrations, at siyempre, ang mga lider-estudyante. Ika nga ng isang lider, kung ang palakpak lamang ay may katumbas ng dagdag sa badyet, ok na ok na sana.
Huwag tayong sumama sa mga magsasaka dahil sobrang agitated sila at baka saktan nila tayo. Atsaka, prayoridad naman natin ang mga estudyante (bilang ‘lider-estudyante’) imbes na mga magsasaka.
Hindi mawawala ang mga salitang 'Hacienda Luisita' sa bokabyularyo ng mga kabataang naging aktibista nung mga taong 2004 at 2005. Marami ang naluha nung unang ipalabas ang raw footage ng naganap na masaker sa mga paaralan at komunidad. Marami ang nakaranas ng unang rali nila sa isang Lakbayan ng mga magbubukid ng Luisita. Marami rin ang sumama sa mga bisita sa nasabing asyenda para alamin ang kalagayan doon.
Ano kayo, siniswerte? Ito ang sagot ng presidente ng Unibersidad ng Pilipinas na si Emerlinda Roman sa mungkahi na huwag muna itaas ang mga singil sa mga laboratoryo sa nasabing pamantasan. Kanino niya ito sinabi? Hindi lang sa kung sino, kundi sa Rehente ng mga Estudyante: ang tanging representante ng mga mahigit 20 libong estudyante ng UP sa pinakamataas na kapulungan ng pamantasan.
Hindi ko maiintindihan paano sisikmurahin ng kahit sinong kritikal na kabataan ang pinagsasabi ni Noynoy.
Naalala ko nung 2005 at 2006, panahon ng buung-buong ipinatutupad ang CPR (Calibrated Preemptive Response) ni Gloria. Bawat rally basta’t malapit sa Mendiola ay uupakan ng pulis. Sa bawat rally siguradong may mahuhuli ng pulis, maraming masasaktan, maraming mawawalan ng tsinelas at iba pang gamit dahil sa tulakan at takbuhan. Kapag marami ang ralyista at kayang pigilan ang pulis, siguradong paliluguan ka ng madumi at malakas na tubig mula sa fire truck.
Pagpupugay sa lahat ng lumahok sa naganap na walkout nung nakaraang Biyernes. Mga estudyante sa parehong pribado at pampublikong paaralan, estudyante sa hayskul, mga OSY (out of school youth) at kahit mga ilang kabataan mula sa ibang bansa, ang lumahok sa walkout. Hindi lang sa Metro Manila, pero pati sa Baguio, Laguna, Cebu, Iloilo, Tacloban, at sa Gitnang Luzon.
Kagyat na freeze sa matrikula ng mga paaralan sa buong bansa. Pag-rolbak at pag-refund sa mga nagtaas na matrikula iba pang bayarin ngayong taon. Pagdagdag sa badyet ng edukasyon batay sa rekomendasyon ng United Nations. Pagrespeto sa kalayaan ng mga konseho ng mag-aaral at student publications. Ilan lamang ito sa tinatawag na education agenda na balak ilatag sa bagong administrasyon ng mga grupo ng kabataan tulad ng Anakbayan, National Union of Students in the Philippines, at Kabataan Party-list.
