Mga Larawan: Protesta vs kawalan ng aksiyon ng gobyernong Aquino sa extra-judicial killings
Nagmartsa ang aabot sa 800 katao mula tapat ng University of Santo Tomas sa Espana, Manila patungong Mendiola, Manila para igiit sa gobyernong Aquino na aksiyunan ang pamamaslang sa mga aktibista at ibasura ang programang kontra-insurhensiyang Oplan Bantay Laya. Ayon sa Karapatan, grupong pangkarapatang pantao, nakakabahala ang malabong pahayag ni Pangulong Aquino hinggil sa mga […]
Nagmartsa ang aabot sa 800 katao mula tapat ng University of Santo Tomas sa Espana, Manila patungong Mendiola, Manila para igiit sa gobyernong Aquino na aksiyunan ang pamamaslang sa mga aktibista at ibasura ang programang kontra-insurhensiyang Oplan Bantay Laya.
Ayon sa Karapatan, grupong pangkarapatang pantao, nakakabahala ang malabong pahayag ni Pangulong Aquino hinggil sa mga pamamaslang. Ayon kay Marie Hilao-Enriquez, tagapangulo ng Karapatan, bilang commander-in-chief ng militar, maisisisi kay Aquino ang pamamaslang sa tatlong aktibista magmula nang maupo si Aquino sa Malakanyang.
Iginiit ni Enriquez na kailangang agarang ibasura ni Aquino ang programang kontra-insurhensiya ng militar na Oplan Bantay Laya na bumiktima sa mahigit 1,000 aktibistang pinatay, mahigit 200 dinukot at libu-lubong mga komunidad sa kanayunan.
“Oplan Bantay Laya is the worst and most brutal of these campaigns as it specifically targets legal organizations and personages resulting to a staggering body count and brazen impunity in nine years of the Arroyo regime and it is still in place,” sabi pa ni Enriquez.
Maliban sa Karapatan, pamunuan din ang protesta ng Bagong Alyansang Makabayan o Bayan. Ayon kay Renato Reyes Jr., pangkalahtang kalihim ng Bayan, kailangang paghandaan ng militanteng mga organisasyon ang posibleng pagkitil ng gobyernong Aquino sa karapatan nilang magprotesta kaalinsabay ng State of the Nation Address o SONA ni Aquino sa Lunes, Hulyo 26.