Ibinasura ng piskalya sa Nueva Vizcaya ang mga kasong isinampa laban sa pitong inaresto sa marahas na pagtatangka ng pulisya na buwagin ang barikada laban sa minahan sa Sitio Keon, Barangay Bitnong, Dupax del Norte.
Marami sa mga Pilipinong lumikas mula sa Gaza ang nagnanais na bumalik sa kanilang mga tahanan. Ngunit dahil sa pagpapatuloy ng mga atake ng Israel, bakas na lamang ng kanilang dating tahanan ang naghihintay sa kanila.
Binaha ng mga protesta ng galit na mamamayan ang iba't ibang tanggapan ng Department of Public Works and Highways dahil sa korupsiyon at katiwalian sa mga proyektong flood control.
Tagumpay ang panawagan ng mga guro sa mga pampublikong paaralan na maigiit ang kanilang Performance-Based Bonus para sa 2023 na naantala ang pagbibigay nang matagal na panahon.
Ayon sa residenteng si Angelica Nasiron, nabawasan ang kaguluhan at tensiyon sa isla nang umalis ang mga “blue guard.” Umaasa siya na manatili ang kapayapaan sa lugar at makabalik sa kanilang pamumuhay.
Pangamba ng Makabayan Coalition, kung hindi agad matuloy ang impeachment trial, maaaring makapagmaniobra ang kampo ni Duterte para maabsuwelto ang bise presidente.
Sampu sa 11 inerereklamong katutubong Molbog sa Sitio Marihangin, Barangay Bugsuk, Balabac, Palawan ang inaresto nitong Mayo 15. Pansamantalang nakalaya ang 10 matapos makalikom ng pangpiyansa.
Sa bawat sulok ng lipunan, nariyan ang manggagawa na patuloy na pasan-pasan ang kinabukasan ng ating bayan.
Pinanghihimasukan ng San Miguel Corporation, kasabwat ang National Commission on Indigenous Peoples, ang tahimik at payapang pamumuhay ng mga katutubong Molbog sa isla ng Bugsuk sa Balabac, Palawan para pagtayuan ng isang luxury resort.
Mariing kinondena ng mga progresibong lider ang patuloy na panggigipit sa apat na aktibista at isang mamamahayag mula Cagayan Valley sa isang press conference nitong Abril 21 kung saan inilarawan ang lawak ng panunupil ng estado.
