Ano ang kapalit ng paglilingkod sa pinakaliblib na mga lugar na hindi nakakatikim ng serbisyong pangkalusugan? Malinaw na hindi pagkilala o papuri mula sa gobyerno. Alamin ang adbokasiyang itinaguyod ng detenidong 43 doktor at health worker na pinararatangang rebelde.
Mabigat ang hatol sa Commission on Elections ng mga grupong inaral nang independiyente ang Automated Elections System na gagamitin sa Mayo. Umano’y “hindi handa” ang Comelec at “nanganganib” ang halalan na pinapangarap ng lahat na maging malinis at kapani-paniwala ang resulta.
Namamayagpag pa rin ang takot sa bayan ng Ampatuan. Kalunos-lunos ang kalagayan ng daan-daang bakwit, na tila pinabayaan ng gobyernong di rin naman masugpo ang pribadong hukbo ng mga Ampatuan.
Mula sa iba't ibang bahagi ng bansa, dumagsa sa Mendiola ang libu-libong magsasakang naglakbay ng 10 araw. Alamin kung ano ang malaking problema sa bansa na iniiwasang pag-usapan ng mga kandidato sa panahon ng halalan.
Tumampok sila noong taong 2009: Mga indibidwal, grupo, kilos-protesta, batas, o produktong pangkultura, na mga lumahok at nag-ambag ng natatanging kontribusyon sa iba't ibang larangan sa pagsusulong ng progresibong pagbabago.
Mga kaganapang pulitikal sa bansa noong nakaraang sampung taon na naging hudyat ng pag-igting ng paglaban ng mga mamamayan para sa makabuluhang pagbabago sa lipunang Pilipino sa bagong milyeno.
Sa Mindanao -- gayundin sa ibang bahagi ng bansa -- tila lumalakas ang impluwensiya ng isa pang "gobyerno". Sa kabila ng mga planong pagdurog dito, nagdeklara pa ang mga rebeldeng NPA na pinaplano na nilang matapatan ang lakas ng Estado sa loob ng limang taon.
Isa sa natatanging positibong mga kaganapan ang paglahok ng mga progresibo, o ang tinaguriang Kaliwa, sa halalang 2010. Sa kabila ng karahasan, ng karambola sa pulitika ng mga trapo, at ng pagpupumilit ng kasalukuyang rehimen na manatili sa poder – tila may aasahang mabuti sa halalan ang bayan.
Lumabas sa Fact-Finding Mission ng mga mamamahayag ang ilang mahahalagang detalye na nagdidiin sa papel ng militar at pulisya sa masaker, gayundin ang mga kamalian sa imbestigasyon at nakakatakot na implikasyon ng state of emergency sa Maguindanao.
Direktang nanggaling sa gobyernong Arroyo ang armas at pondo ng mga civilian volunteers organization o CVOs na tulad ng mga pumatay diumano sa di bababa sa 57 sibilyan, mamamamahayag at abogado sa Ampatuan, Maguindanao noong Nobyembre 23. Binuo sila para sa giyera kontra-insurhensiya, pero notoryus sa malawakang paglabag sa mga karapatang pantao.
