Ipinarating ng mga tsuper mula Laguna hanggang Alabang ang kanilang saloobin at pagsasakripisyo noong araw na iyon, para iparating sa gobyerno ang mga dapat nitong gawin hinggil sa walang humpay na pagtaas na presyo ng langis.
Nagsagawa ng sympathy fast sa harap ng EDSA gate ng Kampo Crame sa Quezon City ang mga tagasuporta at kaanak ng mga bilanggong pulitikal. Panawagan nila: general, unconditional and omnibus amnesty sa mahigit 350 bilanggong pulitikal sa bansa.
Nitong Agosto 12, nagpiket ang mga maralitang residente ng Sitio San Roque, North Triangle, sa harap ng UP-Ayala Technohub sa may Commonwealth Ave., Quezon City. Pinoprotesta nila ang napipinto muling demolisyon sa katapusan ng buwan sa libu-libong residente sa North Triangle, para bigyang-daan ang joint venture sa pagitan ng Ayala Land Inc. at gobyerno, sa […]
Maikling bidyo ng isinagawang interfaith rally ng mga grupong pangsimbahan at militanteng mga organisasyon para ipanawagan ang libreng pamamahagi ng lupa ng Hacienda Luisita sa Tarlac sa mga manggagawang bukid na legal na may-ari ng lupain ng asyenda.
Bidyo ng walkout ng mga mag-aaral mula sa iba't ibang kolehiyo at pamantasan sa Kamaynilaan para igiit ang sapat na badyet para sa edukasyon. Anila, patikim lamang ito sa magiging protesta ng kabataan at estudyante sa araw ng State of the Nation Address ni PNoy.
Bidyo ng marahas na pagdispers ng mga pulis sa mga aktibistang nagrali sa harap ng embahada ng US para kondenahin ang anila'y di pantay na relasyon ng Pilipinas at US. Ipinamalas ng insidente, ayon sa mga aktibista, kung sino ang tunay na pinaglilingkuran ng mga pulis.
Sa porma ng protesta para sa makabuluhang dagdag-sahod pinakamakabuluhang ginunita ng mga manggagawa ng Kilusang Mayo Uno ang alaala ng dakilang lider-obrero na si Crispin "Ka Bel" Beltran.
Patuloy ang paghahanap kina Karen Empeno at Sherlyn Cadapan ng mga ina at tagasuporta nila. Tuloy din ang paghangad nila ng hustisya. Matapang na sinampahan nila ang itinuturong salarin sa pagdukot, tortyur at panggagahasa kina Sherlyn at Karen: si Ret. Gen. Jovito Palparan Jr.
Ikinuwento ng mga maralitang kababaihan ang hirap na pagkasyahin ang minimum na sahod ng kanilang asawa sa pang-araw-araw na mga bilihin. Inihayag naman ng mga kawani sa gobyerno na maging silang may regular na trabaho, nababaon sa utang dahil sa liit ng suweldo.
