Bumaba sa 6.6% noong Abril at 6.1% noong Mayo ang inflation rate kumpara noong Marso na 7.6%. Maaga pa para ipagmalaki ito ng administrasyong Marcos Jr. dahil nanatiling pinakamataas sa buong Timog Silangang Asya ang implasyong nararanasan ng bansa.
Iminungkahi ng Bureau of Fisheries and Aquatic Resources (BFAR) noong Mayo 8 na maaari nang buksan sa mga mangingisda ang Cluster 4 (Bongabong, Roxas, Mansalay at Bulalacao) at 5 (Puerto Galera, Baco at San Teodoro) sa lalawigan ng Oriental Mindoro.
Ngayong Hunyo inaasahang magsisimulang maramdaman ang epekto ng El Niño o matinding tagtuyot sa bansa. Pangunahing apektado ang sektor ng agrikultura, kaya nagangamba ang mga magsasaka na dagdag pasakit ito sa matagal na nilang iniindang kahirapan, lalo na’t walang sapat na paghahanda at pangmatagalang solusyon ang gobyerno para salagin ang epekto ng El Niño.
Inaprubahan kamakailan ni Pangulong Marcos ang karagdagang 11 prayoridad na panukalang batas ng kanyang administrasyon kabilang ang pagsasabatas ng Maharlika Investment Fund at amyenda sa Build Build Build Program. Pero sa kabuuang 42 prayoridad na batas ni Marcos, hindi kasama ang dagdag-sahod.
Nananawagan ng hustisya ang iba’t ibang grupo sa pagpaslang kay Alex Dolorosa, unyonista at paralegal officer mula sa BPO Industry Employees’ Network (BIEN).
Hindi matatawaran ang naging pinsala sa kalikasan at kabuhayan ng mga mamamayang apektado ng oil spill sa Oriental Mindoro at karatig na mga rehiyon. Sa paglubog ng barkong MT Princess Empress sa bayan ng Naujan sa nasabing probinsiya, ano ang naghihintay sa mga mangingisda na ang tanging pinagmumulan ng kabuhayan ay ang karagatang nilason ng langis?
Hindi na makasasapat ang katagang “isang kahig, isang tuka” upang ilarawan ang matinding kahirapan ng mamamayan. Sa harap ng walang awat na pagtaas ng presyo ng bilihin, hindi na makaagapay ang kakarampot na sahod ng mga manggagawa sa kasalukuyan.
Sa loob ng 40 taon ng globalisasyon nanatiling bansot at atrasado ang lokal na industriya sa Pilipinas. Sa muling pagpasok ng bansa sa panibagong Free Trade Agreement (FTA) ikinababahala ng mamamayan na patuloy tayong maitatali sa makaisang-panig at makadayuhang pag-unlad.
Simple lang ang katuwiran ng sektor ng transportasyon. Mahal ang bagong jeepney na inilalako ng gobyerno sa mga drayber at maliliit na operator. Para mabayaran ito kailangan ng taas-pasahe na babalikatin ng mga komyuter na manggagawa, na hindi naman tumataas ang suweldo.
Laging bukambibig ng mga nagdaang rehimen ang pag-amyenda sa Konstitusyon. Ngunit sa likod ng pagnanais na alisin ang mga probisyong pumuprotekta sa pambansang ekonomiya at patrimonya, nariyan ang mga puwersang nagnanais gamitin ang Cha-cha para matagal na makapaghari sa bayan.
