Isang babaing Overseas Filipino Worker (OFW) ang hindi pa rin naiuuwi ang mga labi, pitong buwan matapos paslangin sa kusina ng kanyang employer, ayon sa grupong Migrante-Middle East. Dahil sa umano’y kawalan ng aksiyon ng gobyerno, nananatili sa King Fahad Hospital sa Al-Khobar, silangang bahagi ng Saudi Arabia, ang 22-anyos na si Romilyn Eroy-Ibanez. Noong […]
Hindi kumbinsido ang Kilusang Mayo Uno sa "baryang" dagdag sa Ecola na pinag-iisipan pa nga lang na ialok ng gobyernong Aquino sa mga manggagawa. Sa huling sampung taon, grabe ang itinaas ng presyo ng langis at mga bilihin. Sa kabila nito, walang dagdag-sahod na ibinigay ang gobyerno na makakatulong sa mga manggagawa.
Walang pakinabang sa mga mamamayang Pilipino ang 27 ehersisyong militar na Balikatan sa pagitan ng armadong puwersa ng US at Pilipinas, ayon sa militanteng mga organisasyon. Puro kapahamakan lamang ang presensiya ng tropang US sa iba't ibang bahagi ng mundo. Kabilang na rito ang panghihimasok ng tropang Kano sa Libya, Afghanistan, Iraq at siyempre, Pilipinas.
Dahil sa paglilingkod sa mga mahihirap, pinahirapan at di makatarungang kinulong sila mahigit limang buwan bago bumaba sa poder si Gloria Macapagal Arroyo. Ngayon, sila ang isa sa mga unang naghabla ng kasong sibil laban sa dating pangulo. Hangad nila: Katarungan, di lamang para sa kanila, kundi para sa lahat ng biktima ng karapatang pantao noong nagdaang rehimen.
Sina Joseph, Tina at Mica, Erwin at Lara, at iba pang bata ang mga biktima ng abuso ng mga ahente ng militar sa pagkondukta nito ng giyera kontra-insurhensiya. Hiling ng child rights advocates tulad ng Children’s Rehabilitation Center na pakinggan naman ng bibisitang kinatawan ng UN ang boses nila.
Nagpamalas ng pagkakaisa ang iba't ibang sektor sa iba't ibang probinsiya ng bansa para ihayag ang pagkondena sa walang puknat na taas-presyo ng langis. Ngunit simula pa lamang ito, ayon sa Koalisyon ng Progresibong Manggagawa at Mamamayan o KPMM. Determinado silang lalong paigtingin ang mga protesta laban sa tumitinding kahirapan sa bansa at anila'y tumitindi ring pambubusabos sa mga manggagawa at mga mamamayan.
Sa bidyo ng Pinoy Weekly, makikita kung paaano pinaputukan ng guwardiya ng National Housing Authority ang mga residente ng Sitio San Roque, North Triangle, Quezon City na patuloy na lumalaban sa demolisyon.
Ang polisiyang labor export ang nagtutulak sa mga Pilipino sa maraming bulnerabilidad, kabilang na ang pagiging bahagi ng sindikato sa droga, ayon sa mga grupong nakiisa sa pagluluksa at pagkondena sa gobyernong Aquino.
Balisa ang mga kaanak at tagasuporta ni Sally Ordinario-Villanueva, dahil maaaring bitayin na si Sally ngayong umaga ng Marso 30. Para sa Migrante International, isang malungkot at nakakagalit na halimbawa na naman ito ng matinding pagpapabaya ng gobyerno sa mga Overseas Filipino Worker na nasa panganib sa ibayong dagat.
Dinagsa ng mga magsasaka ng Hacienda Luisita ang Korte Suprema para hikayatin ang huli na maglabas na ng desisyon pabor sa mga kanila, sa lupain sa asyendang pag-aari ng kaanak ng kasalukuyang pangulo.
