Posibleng nagsasabwatan ang nakaraan at kasalukuyang sekretaryo ng Department of Labor and Employment (DOLE) para sikilin ang karapatan ng mga manggagawa ng Philippine Airlines (PAL).
Nanawagan ang mga manggagawa sa pagbubukas ng sesyon ng Senado na magkaroon ng panukalang batas sa Senado para sa makabuluhang dagdag-sahod sa buong bansa. Hinikayat din nila ang mga kongresista sa mababang kapulungan na suportahan ang P125 bill na muling isinumite ng Anakpawis Party-list.
Nagprotesta sa Davao City ang mga magsasaka mula sa Paquibago District laban sa Quedancor at Department of Agriculture para sa programang farm input support program ng dating pangulong Arroyo. (Karlos Manlupig)
Nakiisa ang mga tagapagtaguyod ng kapayapaan at karapatang pantao sa Whangarei, New Zealand sa panawagang pagpapalaya sa 43 manggagawang pangkalusugan sa Pilipinas na tinaguriang "Morong 43." Nanawagan din sila ng pananaig ng hustisya at kapayapaan sa Pilipinas.
Kinondena ng sentrong unyon na Kilusang Mayo Uno (KMU) ang deportasyon ng gobyerno ng South Korea sa pangkalahatang kalihim nito na si Roger Soluta, kasama ang international policy officer ng Ibon Foundation na si Paul Quintos, ang makata at mang-aawit na si Jesus Manuel Santiago at iba pa.
Jason de Asis (Salin ng Pinoy Weekly Staff mula Ingles) Tatlong bayan sa lalawigan ng Aurora ang mistulang nahiwalay sa iba pang bahagi ng lalawigan dahil sa serye ng mga pagguho ng lupa dulot ng tuluy-tuloy na pag-ulan at malakas na hangin. Daan-daang pasahero papunta sa mga bayan ng Dinalungan, Casiguran at Dilasag ang naistranded […]
Isang magsasaka ang binaril at pinatay kaninang alas-otso ng umaga sa Brgy. Caybunga, Balayan, Batangas, ang unang kaso ng ekstrahudisyal na pamamaslang sa probinsya sa ilalim ng administrasyong Aquino, ayon sa ulat ng Bagong Alyansang Makabayan Southern Tagalog (Bayan-ST). Natagpuang may tatlong tama ng bala sa ulo at dibdib si Rene Rodriguez, miyembro ng Samahan […]
Walang puntod o sementeryong maaaring bisitahin -- at hindi pa nga batid kung patay o buhay ang mahal nila sa buhay -- nagtirik ng kandila ang kaanak ng desaparecidos (mga sibilyan at aktibistang dinukot diumano ng mga elemento ng estado at di pa rin natatagpuan) sa larawan ng kanilang mga nawawala, sa simbahan ng Baclaran, noong Nobyembre 2
Nababahala ang militanteng alyansang pangkababihan na Gabriela sa kawalan umano ng aksiyon ng Malakanyang sa rekomendasyon ni Sek. Leila de Lima ng Department of Justice na palayain ang 43 detinidong manggagawang pangkalusugan na tinaguriang “Morong 43.”
Halos isang dekada na sapul nang salakayin ng US at mga kaalyado nitong bansa ang Afghanistan. Pero, imbes na magapi ang mga rebelde, lalong lumalakas ang mga Islamic militants sa pamumuno ng Taliban. Pagkaraang mapatalsik sa Kabul, nakapagreorganisa na ang Taliban at lumalawak ang sakop nitong teritoryo, na halos mapasok na uli ang kapitolyo ng bansa.
