Ang polisiyang labor export ang nagtutulak sa mga Pilipino sa maraming bulnerabilidad, kabilang na ang pagiging bahagi ng sindikato sa droga, ayon sa mga grupong nakiisa sa pagluluksa at pagkondena sa gobyernong Aquino.
Sa gitna ng pagsirit ng presyo ng mga produktong petrolyo, hindi na kayang tanggapin ng mga mamamayan ang dahilan ng gobyerno na “wala itong magagawa.” Giit nila ngayon kay Pang. Benigno Aquino III, gawin ang dapat nitong gawin para matigil ang sunud-sunod na pagtaas ng presyo ng langis.
Minarkahan ng iba't ibang grupo ang anibersaryo ng paglusob ng US sa Iraq sa pagmartsa sa sa harapan ng embahada ng Estados Unidos sa Maynila. Kinondena nila ang no-fly zone na idineklara ng UN—isang resolusyon na anila’y hudyat ng interbensiyong militar ng US. Lumalabas na hindi sila nagkamali.
Hindi pa man naililikas o natutulungan ang libu-libong Pilipino sa mga nasalantang erya sa Japan, hinihiling na ni Amb. Manuel Lopez na umalis ang buong istap ng embahada. Samantala, hindi man lang sasagutin ng gobyerno ang pamasahe pauwi ng mga Pilipino.
Naipamalas sa nagaganap ngayon sa Hilagang-Silangang bahagi ng Japan ang matinding panganib ng mga plantang nukleyar sa ordinaryong mga mamamayan. Buntung-hininga ang mundo sa posibilidad ng nuclear meltdown. Samantala, para sa isang grupo ng makabayang mga siyentista, parehong panganib ang dala ng plano ng gobyerno na revival ng Bataan Nuclear Power Plant.
Malubha ang epekto sa kababaihang maralita ng sunud-sunod na pagsirit ng presyo ng batayang mga bilihin at pamasahe. Nais nilang agarang harapin ng administrasyong Aquino ang pag-ampat sa matinding krisis na ito. Kung kaya't sa martsa ng aabot sa 8,000 katao ng Gabriela sa Pandaigdigang Araw ng Kababaihan noong Marso 8, mensahe ng kababaihan kay P-Noy: Gumising ka't kumilos para maibsan ang paghihikahos ng sambayanan. Kung hindi...
Sa pamamalengke ng lider-maralita na si Nanay Mameng, matutuklasan kung ano na lamang ang kayang bilhin na pagkain para sa kanyang pamilya ng isang manggagawa na may minimum na sahod. Ito ang gustong bigyang pokus ng militanteng alyansang kababaihan ng Gabriela ngayong Pandaigdigang Araw ng Kababaihan sa Marso 8.
Nambabarat na sa sahod at benepisyo, tila isinasalang pa sa panganib ang mga manggagawa sa konstruksiyon ng isa sa mga kompanya ng “notoryus” na kapitalistang si Lucio Tan.
Handa silang makipag-usap at wakasan ang armadong tunggalian, ayon sa Moro Islamic Liberation Front. Makatarungan umano ang kanilang hangad na karapatan na makapagpasya sa sarili. Pero kung muling mabibigo ang negosasyon, handa pa rin silang ipagtanggol ang kanilang mga lupain – gamit ang armas.
Sa saliw ng kanta ng The Jerks na "Sayaw sa Bubog," narito ang ilan sa mga imaheng nakuha ng Pinoy Weekly sa dalawang magkahiwalay na pagdiriwang ng ika-25 taong anibersaryo ng pag-aalsa sa EDSA noong 1986, habang sinisikap sagutin ang katanungang "Para saan, kailan, at para kanino ang pagdiriwang na ito?"
