Bato, tear gas, bulldozer, baril ang ilan sa mga ginamit ng demolition teams ng Makati City Government at pulisya para idemolis ang daan-daang kabahayan ng lumalabang maralitang komunidad sa Guadalupe, Makati City.
Kung gusto, maraming paraan. Kung talagang ayaw, maraming dahilan. Angkop ito sa posisyon ng administrasyong Aquino sa panukalang makabuluhang dagdag-sahod ng mga manggagawa: Maraming palusot ang pangulo, dahil mas pabor siyang manatili ang malalaking kita ng mga kapitalista kaysa tugunan ang pangangailangan ng naghihikahos nang Pilipinong manggagawa.
Hindi lamang ngayong Semana Santa, mistulang araw-araw ang kalbaryo ng maralitang Pilipino sa kasalukuyang krisis at kaayusang panlipunan. Kaya naman ginamit ng mga maralita ng Brgy. Jose Corazon de Jesus at Bayan-NCR ang pagkakataon ngayong Semana Santa para isalarawan ang matinding krus na ipinapasan ng sambayanan.
Ikinuwento ng mga maralitang kababaihan ang hirap na pagkasyahin ang minimum na sahod ng kanilang asawa sa pang-araw-araw na mga bilihin. Inihayag naman ng mga kawani sa gobyerno na maging silang may regular na trabaho, nababaon sa utang dahil sa liit ng suweldo.
Sagad na ang gutom ng mga maralita, kaya't hindi na kakayanin pa ang panibagong pagtaas sa presyo ng bigas na dulot ng tuluy-tuloy na pagtaas ng presyo ng langis.
Inanunsiyo ng Koalisyon ng Progresibong Manggagawa at Mamamayan (KPMM), na maglulunsad ang ibat’t ibang sektor ng isang metro-wide noise barrage sa Abril 14 upang ipanawagan ang pagtaas ng dagdag sahod.
Walang pakinabang sa mga mamamayang Pilipino ang 27 ehersisyong militar na Balikatan sa pagitan ng armadong puwersa ng US at Pilipinas, ayon sa militanteng mga organisasyon. Puro kapahamakan lamang ang presensiya ng tropang US sa iba't ibang bahagi ng mundo. Kabilang na rito ang panghihimasok ng tropang Kano sa Libya, Afghanistan, Iraq at siyempre, Pilipinas.
Dahil sa paglilingkod sa mga mahihirap, pinahirapan at di makatarungang kinulong sila mahigit limang buwan bago bumaba sa poder si Gloria Macapagal Arroyo. Ngayon, sila ang isa sa mga unang naghabla ng kasong sibil laban sa dating pangulo. Hangad nila: Katarungan, di lamang para sa kanila, kundi para sa lahat ng biktima ng karapatang pantao noong nagdaang rehimen.
Sina Joseph, Tina at Mica, Erwin at Lara, at iba pang bata ang mga biktima ng abuso ng mga ahente ng militar sa pagkondukta nito ng giyera kontra-insurhensiya. Hiling ng child rights advocates tulad ng Children’s Rehabilitation Center na pakinggan naman ng bibisitang kinatawan ng UN ang boses nila.
Nagpamalas ng pagkakaisa ang iba't ibang sektor sa iba't ibang probinsiya ng bansa para ihayag ang pagkondena sa walang puknat na taas-presyo ng langis. Ngunit simula pa lamang ito, ayon sa Koalisyon ng Progresibong Manggagawa at Mamamayan o KPMM. Determinado silang lalong paigtingin ang mga protesta laban sa tumitinding kahirapan sa bansa at anila'y tumitindi ring pambubusabos sa mga manggagawa at mga mamamayan.
