Gaya ng isang 'wang-wang,' puro ingay at walang laman na kongkretong programa para sa ikabubuti ng mga mamamayan ang State of the Nation Address (SONA) ni Pangulong Aquino, ayon sa mga grupong militante na nagsagawa ng malawakang kilos-protesta kasabay ng SONA.
Blow by blow na ulat ng protesta ng Bagong Alyansang Makabayan (Bayan) kontra sa State of the Nation Address ni Pangulong Benigno Aquino III.
Patatawarin na sana natin ang pag-hijack niya sa pangalang “Pinoy” – kung naging tapat lang siya sa pagtupad sa interes ng mga mamamayang gusto niyang kapangalan. Pero hindi.
Mahigit isang taon na sa pagkapangulo si Benigno “Noynoy” Aquino III. Pangalawang State of the Nation Address na rin niya sa Lunes, Hulyo 25. Kumusta na ang mga isyu ng mga mamamayang dapat niyang tinutugunan?
Kinondena ng Alyansa Kontra Demolisyon, pambansang alyansa kontra demolisyon ng mga bahay ng mga maralitang lungsod, ang walang habas na pamamaril sa mga residenteng nagbarikada kontra sa demolisyon sa Pangarap Village sa Caloocan. Dalawang katao at namatay, sina Soliman Gomez at Rommel Fortadez, at marami pa ang sugatan. Kinondena ng alyansa ang paggamit ng dahas […]
Nagprotesta sa tanggapan ng National Housing Authority (NHA) ngayong araw ang maralitang kababaihan na dinemolis sa iba’t ibang lugar sa Kamaynilaan o ‘di kaya’y nahaharap sa banta ng demolisyon. Kasama ang grupong Gabriela, kinondena nila ang anila’y “giyera sa mahihirap” ng gobyernong Aquino. Suot ang mga boxing gloves, “inupakan” ng kababaihang residente ng Diosdado Macapagal at […]
Sa larangan ng ekonomiya, paggalang sa karapatang pantao, pag-empleyo at makabuluhang dagdag-sahod, industriyalisasyon at tunay na repormang agraryo -- at iba pang usapin -- bagsak na bagsak si Pang. Benigno Aquino III sa mata ng militanteng mga organisasyon.
Sa araw na ipinagdiwang ng United Nations ang International Day in Support of Victims of Torture noong Hunyo 26, ginugunita rin ang pagdukot kina Sherlyn Cadapan, Karen Empeno, Manuel Merino, Prudencio Calubid, Celina Palma, Gloria Soco at Ariel Beloy. Sa kaso nina Cadapan, Empeno at Merino, malinaw sa mga testimonya na tinortyur sila. Ayon sa mga grupong pangkarapatang pantao, malinaw na polisiya pa rin ng militar ang magtortyur.
Hinamon ng Migrante International si Pang. Benigno Aquino III na lumikha ng mga trabaho sa Pilipinas at talikuran ang “bangkarote” na labor export policy, sa gitna ng mga balitang posibleng mapauwi ang may 350,000 na Overseas Filipino Worker (OFW) sa Saudi Arabia. “Walang trabahong naghihintay para sa kanila, dahil mayroon tayong halos 12 milyong walang […]
