Sunud-sunod na mga protesta ang ikinasa ng mga grupo ng mga manggagawa, tsuper at iba pang sektor para labanan ang P9 overpricing sa langis. Sinisingil din nila ang administrasyong Aquino sa pakikipagsabwatan umano nito sa kartel ng langis.
“Si Lucio Tan ang boss ko.” Ito ang pasaring ng Kilusang Mayo Uno (KMU) kay Pang. Benigno Aquino III, matapos pumabor sa manedsment ng Philippine Airlines (PAL) sa iskemang spin-off. Tinatayang mahigit 2,000 empleyado ng PAL ang maapektuhan ng desisyon na magbibigay-daan upang isailalim sa subcontracting ang tatlong departamento ng PAL at tanggalin ang regular na mga empleyado nito.
Kinondena nang mga manggagawa at maralitang lungsod ang anila’y “kakarampot na rolbak” sa mga produktong petrolyo sa pamamagitan ng pagprotesta sa harapan ng tanggapan ng San Miguel Corporation, na pag-aari ni Eduardo “Danding” Cojuangco Jr.
Nagpahayag ng disgusto ang grupo ng mga manunulat pangkampus sa pagtanggal ng Palasyo sa Freedom of Expression (FOI)Bbill bilang isa sa priority bills ni Pang. Benigno Aquino III.
Nitong Agosto 12, nagpiket ang mga maralitang residente ng Sitio San Roque, North Triangle, sa harap ng UP-Ayala Technohub sa may Commonwealth Ave., Quezon City. Pinoprotesta nila ang napipinto muling demolisyon sa katapusan ng buwan sa libu-libong residente sa North Triangle, para bigyang-daan ang joint venture sa pagitan ng Ayala Land Inc. at gobyerno, sa […]
Pilit na binuksan ng mga alagad ng National Housing Authority (NHA) ang mga yunit na tirahan ng mga maralitang residente sa Diosdado Macapagal Tenement noong Agosto 10 para palayasin sila. Nagdesisyon ang NHA na paalisin ang mga residente sa naturang tenement dahil idineklarang kondenado na ang naturang bilding. Ngunit, giit ng mga residente, may karapatan sila sa lupain ng naturang tenement, na pinabayaan ng NHA at gobyerno hanggang mabulok at madeklarang kondenado. (Contributed Photo)
Nagkaisa ang mga alagad ng sining at manggagawang pangkultura laban sa pagpapasara sa eksibisyong “Kulo,” kung saan tampok ang kontrobersiyal na obrang “Poleteismo” ni Mideo Cruz. Isinara sa publiko ang nasabing eksibisyon nitong Martes, Agosto 9, sa gitna ng presyur sa mga opisyal ng Cultural Center of the Philippines (CCP), kung saan ito nakatanghal. Partikular […]
Malamang na gobyernong US, sa pangunguna ng embahada nito sa Pilipinas, ang umareglo kay Pang. Benigno Aquino III na agarang lumipad patungong Tokyo, Japan noong nakaraang linggo para makipag-usap kay Al Haj Murad, tagapangulo ng Moro Islamic Liberation Front (MILF).
Sinalubong ng protesta nang iba't bang tribung katutubo ang Pandaigdigang Araw ng mga Katutubo sa Mendiola, kanilang binatikos ang “kapabayaan” sa kanila ng gobyerno at ang lumalalang kaso ng pag-abuso sa karapatang pantao ng mga ito.
