Obligasyon kay ‘Goldilocks’
Kapag pinapaliwanag sa mga kabataan ang mga dahilan bakit kailangang maging aktibo sa mga isyung panlipunan, hirap unawain ng mga middle-class ang konsepto ng ‘obligasyon’: Obligasyon kanino? Saan? Anong inoobliga sa akin? Sa mga nagmula sa ganung uri, para bang galing sa ibang mundo ang mga salitang ‘hustisyang panlipunan’, ‘katarungan’, at ‘kabuhayan’. At kung binabasa mo ito, marahil middle-class ka rin.