Dumulog ang mga grupo ng iba't ibang sektor, sa pangunguna ng Gabriela, sa Korte Suprema para hilingin paglabas ang pinal na desisyong kagyat na ipamahagi sa mga manggagawang bukid nito ang lupain ng Hacienda Luisita. Nanawagan silang ibasura ng Kataas-taasang Hukuman ang motion for reconsideration ng Hacienda Luisita, Inc. hinggil sa naturang desisyon.
Nagprotesta ang mga manggagawa sa pangunguna ng Kilusang Mayo Uno (KMU) sa harapan ng tanggapan ng Department of Labor and Employmnent (DOLE) para gunitain ang ika-10 taon ng pagpapatupad ng isang DOLE order na anila’y naging “lisensiya ng kontraktuwalisasyon.”
Kinondena ng mga grupong magsasaka ang pagpapaputok ng mga guwardiya ng Hacienda Luisita, pulisya, at militar sa mga magsasaka sa asyendang pag-aari ng pamilya ni Pang. Benigno Aquino III. Kahapon, binakuran ng 100 guwardiya, 15 miyembro ng Tarlac Provincial Police, at 10 miyembro ng Philippine Army ang binubungkal na lupain ng mga magsasaka sa Brgy. […]
Sinugod ng Kilusang Mayo Uno (KMU), Bagong Alyansang Makabayan (Bayan) at iba pang militanteng organisasyon ang Veterans Memorial Medical Center (VMMC) sa Quezon City upang igiit na ilipat si dating pangulong Gloria Macapagal-Arroyo sa ordinaryong kulungan.
Inireklamo ng mga manggagawa ng isang pabrika ng kilalang kapeng herbal na hindi umano sila pinasasahod ng manedsment ng kompanya.
Isang tigil-pasada at “protestang bayan” ang ipinanawagan ng Kalipunan ng Damayang Mahihirap (Kadamay) kontra sa sunud-sunod na pagtaas ng presyo ng petrolyo. Ayon sa mga maralitang lungsod, sila umano ang pangunahing tinatamaan sa bawat sentimong pagtaas ng presyo ng langis. Kaya, nanawagan ng Kadamay na muling ulitin ng mga tsuper at iba pang sektor ang matagumpay na protesta at tigil-pasada noong Septyembre 19 noong nakaraang taon na nagparalisa ng transportasyon sa iba’t ibang panig ng bansa.
Ikinatuwa ng mga obrero ng Kilusang Mayo Uno (KMU) ang pagpapalabas ng warrant of arrest ng Antipolo Regional Trial Court Branch 98 laban sa 13 suspek sa pagtortyur at pagpaslang sa lider-manggagawang si Rolando Olalia at kanyang alalay na si Leonor Alay-ay matapos ang 25 taong pagkakabinbin ng kaso.
Umalma ang mga manggagawa ng RC Cola Philippines na may planta sa Antipolo, Rizal dahil sa diumano’y ilegal na pagtanggal sa limang manggagawa na kasapi ng unyon.
Nagtipun-tipon ang mga magsasaka ng palay mula sa buong bansa para ihiling sa gobyernong Aquino na itaas ang farmgate price ng palay sa P20 dahil sa patuloy na pagtaas ng gastos sa produksiyon sa gitna ng pagtaas ng presyo ng langis. Sa National Rice Farmers’ Conference na ginanap kahapon sa Quezon City, nagkaisa ang mga magsasaka […]
"Doble-kara!" Ito ang paglalarawan sa Malakanyang ng mga maralitang lungsod ng Kalipunan ng Damayang Mahihirap (Kadamay), matapos manawagan ang Palasyo na ang nagtatagong dating heneral Jovito Palparan Jr. Anila, kakatwang ipinapanawagan ng administrasyong Aquino ang pagsuko ng retiradong heneral ng Armed Forces of the Philippines (AFP) samantalang patuloy pa ring sinusupil nito ang lehitimong mga aktibista tulad ng dalawang lider ng Kadamay na dinukot ng pulis at militar noong Pebrero 7 sa Laguna.
